Abstract
Swart kinders ondervind dikwels skolastiese probleme omdat hulle visueel-perseptuele vermoë met skooltoetrede van die norm wat deur die westerse tipe onderwysstelsel vereis word, verskil. Hoewel dié probleme gedeeltelik bekamp word deur 'n voorbereidingsprogram van die Departement Onderwys en Opleiding, moet bykomende hulpverlening op 'n vroeër stadium oorweeg word. Ten einde 'n realistiese prakties en ekonomies uitvoerbare wyse van hulpverlening te vind, is die invloed van geselekteerde spele en spelervaring op die visueel-perseptuele vermoë van jong swart kinders ondersoek. Met behulp van die Frostig toets is 160 skoolbeginners visueel-perseptueel evalueer. Uit dié kinders is twee groepe van 40 kinders elk saamgestel. Slegs die eksperimentele groep is oor 'n tydperk van ses maande, vir twee middae per week aan Westerse tipe spele blootgestel, waarna beide groepe weer met dieselfde toets geëvalueer is. Ontleding van die gegewens het getoon dat die eksperimentele groep, bo en behalwe die verwagte, normale ontwikkeling, oor die algemeen 'n betekenisvolle verbetering teenoor die kontrolegroep getoon het. Hierdie verskil kan veral aan hul ontwikkeling ten opsigte van visueel-motoriese koördinasie en figuur-agtergrond onderskeiding toegeskryf word. Voorskoolse westerse spelervaring kan dus as 'n praktiese en ekonomies uitvoerbare oplossing vir die huidige probleme aanbeveel word.
Get full access to this article
View all access options for this article.
