Abstract
SYNOPSIS IN INTERLINGUA IN CERCA DE COMPETITION INTER INHIBITORES DE GLYCOLYSE.-
Quando tenue frottis de sedimento salivari es placiate con un de lor superficies in contacto con un solution de glucosa, glycolyse causa, in regime permanente, un depression del pH observabile al altere superficie. Inhibitores del glycolyse in iste systema ha essite le objecto de extense cercas le quales ha resultate in le identification de certe compositos exhibiente similitude con glucosa. Dece-cinque compositos esseva testate con le objectivo de determinar si le action inhibitori es competitive con le concentration de glucosa per observar le glycolyse quando le concentration de glucosa es reducite-tanto con como etiam sin un reduction correspondente del concentration del inhibitor. Nulle evidentia in supporto del these de un inhibition competitive esseva trovate, mesmo in le caso del compositos le plus simile a glucosa. Iste constatationes indica que probabilemente le inhibitores non entra in competition con glucosa relative al formation de un complexo de enzyma e substrato.
Get full access to this article
View all access options for this article.